Embahador di Merka stashoná na Colombia a reuní ku Gustavo Petro

BOGOTA – Francisco Palmieri embahador merikano enkargá ku asuntunan di relashonnan diplomatiko na Colombia a reuní ayera ku presidente elekto Gustavo Petro.
E meta di e reunion entre Francisco Palmieri i Gustavo Petro ta pa sigi traha riba e ophetivonan ku Colombia i Merka a bin ta traha riba durante algun dékada kaba.
Francisco Palmieri despues di e reunion ku Gustavo Petro a deklará na miembronan di prensa Colombiano ku e ta gradisí presidente elekto pa su tempu.
Tabata un reunion produktivo sigur segun Francisco Palmieri i ku ta sigur ku Merka i Colombia lo sigi ekstrecha lasonan riba tur nivel.
Lokual ku Gustavo Petro ta pidi pa hasi ta renegosha e TLC (Tratado de Libre Comercio) firma 10 aña pasa entre e dos paisnan.
Gustavo Petro su investidura lo ta keda selebrá dia 7 di ougùstùs próksimo i elo bira e promé presidente iskierdista ku lo asumí poder den historia na Colombia.