Embahador di Merka a manifestá su preokupashon pa atake kontra Guaidó

CARACAS – Brian Nichols embahador di Merka na Caracas a ekspresá su prekupashon pa e atake brutal ku simpatisantenan Chavista a maltratá Juan Guaidó .
Lokual a pasa aki ta un atentado kontra demokrasia ya ku Chavistanan a ataka un presidente Interino di Venezuela di un forma brutal.
Tin videonan ku a bai viral kaminda por mira ku e simpatisantenan di Nicolas Maduro a kana drenta den e espasio kaminda Juan Guaidó tabata atendiendo ku su asuntunan i kuminsá agredié.
Brian Nichols a bisa ku ela kombersá ku Juan Guaidó i a keda informá ku e ta bon pero ku a haña bastante sla.
Algun di e kolaboradornan di Juan Guaidó si mester a keda hiba hospital pa tratamentu médiko debí ku a dalnan ku stulnan di plèstik rònt nan kurpa.
Brian Nichols a bisa ku atministrashon di Biden lo bai soru pa Juan Guaidó haña mas seguridat ku e tin kaba aworakí.