Internashonal
Embahador di Merka a bisa ku: Atministrashon di Biden lo respetá relashon entre Colombia i Venezuela
BOGOTA – Francisco Palmieri embahador merikano stashoná na Bogota den un entrevista ayera a konfirmá
ku lo bai tin kambionan den polítika ta bai tuma luga na Colombia i ku atministrashon di Biden lo respetá esaki nan.
Un di e kambionan notabel ku lo bai tin ta ku presidente elekto Gustavo Petro a kuminsá dialogá kaba ku Nicolas Maduro presidente di Venezuela.
Pa aproksimadamente dos dékada e relashon diplomatiko entre Colombia i Venezuela no tabata asina bon.
Francisco Palmieri a splika ku hasta tin delegashon di atministrashon di Biden ku ta den kombersashon ku Nicolas Maduro.
Esaki ta nifiká lokual ta pasando awor ta algu sumamente positivo pa e suidadanonan di Colombia komo Venezuela.
Gustavo Petro a proponé pa modifiká e TLC (Tratado de Libre Comercio) ku ta vigente for di 2012.
Francisco Palmieri a bisa ku atministrashon di Biden ta dispuesto pa hasi e modifikashon ku Gustavo Petro a pidi pa fortalesé ekonomia di e pais.