Elon Musk a bisa ku si e akuerdo pa kumpra Twitter konkretisá elo aseptá Trump bek

LOS ANGELES – Elon Musk konsiderá komo e hòmber di mas riku riba e planeta aki a konfirmá durante un entrevista ku “Financial Times” ku tin algun opstákulo pa kumpra Twitter.
Pero segun Elon Musk e ta spera di por logra konkretisá e akuerdo di kompra di Twitter pronto.
Lokual a hala atenshon durante e entrevista ta ku Elon Musk a splika ku manera e bira doño di Twitter elo kita e veto ku tabatin pa Donald Trump usa e plataforma mas popular riba e planeta aki.
Elon Musk a bisa ku lokual ehekutivonan i akshonistanan di Twitter a hasi ta pa impedí ku Donald Trump por a usa e plataforma i esaki tabata kompletamente robes.
Durante periodo di elekshon Donald Trump tabata komuniká ku aproksimadamente 80 mion usuario di Twitter ku ta un kantidat hopi haltu.
Den e kaso aki Donald Trump a hasi Twitter mas popular komo plataforma i ku elo si lo lage hasi uso di e plataforma sin ningun restrikshon.
E oferta di $44.000 mion di Elon Musk pa kumpra Twitter aun mester keda aprobá pa akshonistanan di e plataforma.