ELN ta garantisá ku nan no: Ta responsabel pa desaparishon di yu muhé di kandidato Rodolfo Hernández

BOGOTA – Rodolfo Hernández kandidato presidensial colombiano kende lo bai midi forsa den elekshon ku Gustavo Petro lo keda selebrá dia 19 di yüni próksimo a bin ta akusá e organisashon terorista ELN di ta nan ta responsabel pa desaparishon di su yu muhé na 2004.
Rodolfo Hernández a akusá Gustavo Petro i e organisashon geriyero ELN di tabata envolví den sekuestro di su yu muhé adoptivo ku yama Juliana Hernández Olivero.
Segun investigashon ku a tuma lugá for di aña 2004 e grupo geriyero ELN a pidi un suma mionario pa entrega Juliana Hernández Olivero bek na su mayornan pero nunka mas a tende di dje.
Durante e tempu aki Rodolfo Hernández tabata un empresario eksitoso kaba i alkalde di Bucaramanga.
Algu a bai kompletamente robes debí ku nunka mas Rodolfo Hernández a wak su yu muhé Juliana Hernández Olivero.
E organisashon di ELN a emití un komunikado ayera indikando ku nan no ta envolví den e sekuestro i desaparishon di Juliana Hernández Olivero.
Posiblemente ta otro organisashon kriminal lo a sekuestrá Juliana Hernández Olivero i hasi manera ta ELN a kometé e sekuestro.
Tur e akusashonnan ku ta bai ku bini durante kampaña elektoral ta parse ku Gustavo Petro ta keda na kabes di sondeo pa gana elekshon presidensial na Colombia.