Elekshon na Israel: Netanyahu a gana elekshon parlamentario i ta na kaminda pa un come-back

TEL AVIV – Ayera tabata dia di elekshon parlamentario na Israel i pa sorpresa eks promé minister Benjamin Netanyahu (73) a logra un viktoria amplio.
Konseho Supremo elektoral a presentá sifranan di elekshon awe mainta i asina por demostrá ku partido di Benjamin Netanyahu a logra gana 65 asiento di e 120 asientonan den parlamento.
Benjamin Netanyahu ta un di e polítikonan di mas kontroversial na Israel ku te ainda tin su kaso pendiente den korte relashoná ku ela aseptá soborno i abuso di poder.
Den e kaso aki e pueblo a vota pa Benjamin Netanyahu bolbe asumí e kargo komo promé minister di Israel.