Ela parti su kas na 4 i tabata kobra tres suma di alkiler

WILLEMSTAD. Un YDK ku for di 2019 ta alkilá un kas grandi na Amsterdam, a haña ku ta un lastima ku mientras e tabata na Kòrsou e kas tabata será pornada di manera ku ela disidi pa parti e kas den varios kamber i alkilá esakinan ku algun portuges ku ta traha pa un kompania di aviashon na Ulanda.

Einan ela violá varios regla ku ta goberná bou di ki kondishon un hende por alkilá kamber ku otro hende.
Ora polis a bin kontrola pasobra ne kas, ela splika nan ku ta den su ousensia e homber ku ela alkilá e kas a partié den varios kamber.
E kas tin un solo piso i kuater kamber i ta destina komo vivienda i tempu ku e a registrá e kas no tabatin hende ta aden.
Te dia ku inspektornan di munisipio a bai kontrolá ora nan a haña rapòrt di polis i a topa e YDK kende a splika ku na tur tin tres hende ta biba den e kas pero nan no ta registrá komo habitante pasobra e YDK a bisa ku nan no mag registrá pero tur tres ta traha pa un kompania di aviashon ku tin ofisina na Ulanda.
E YDK mes ta biba den e kas for di aprel 2019 i ela bin haña un portuges ta biba kaba i despues un otro a bin aserka.
E anterior inkilino a pasa e yabi pe i pa luna e tabata manda € 500,- di alkiler pa paga alkiler.
Na tur e otro YDK tabata manda € 1.600, -,pe persona di kontakto pero e no tin kontrat di alkiler.
Munisipio a klap e un but di € 12.000,- pasobra ela parti e kuater den kamber pa kual e no tabatin permit.
Na tur tabatin tres diferente hende ta alkilá e kambernan i tur tabata uza e mesun baño i kushina.
E YDK mes kende tabata alkila e kas serka otro hende a hasi esei pasobra e tabata na Kòrsou pa stazje peor ela meldu tur kos ne doño.
Segun e, ta ku dos partido e tabata alkilá kamber: unu ku un solo portuges, otro kamber ku otro portuges i e terser kamber ku otro portuges pero ku nan tabata pareha i tabata forma un famia.
E inspektornan a sospechá chanchuyo mesora pasobra un di nan ni sa papia ulandes.
Segun e YDK, ta dos espasio e tabata akil´´a ne portugesnan i esei ta legal.
Pa regla dos adulto so por alkilá kamber den un kas pero e tabata tres suma di alkiler
E wesnan naturalmente no a kere den webu di gai pasobra simplemente e tabata alkilá tres kamber ku tres hende.
Pe violashon aki ela haña e but di 12.000 euro pero ela reklama ku e but ta muchu haltu pero no a bisa dikon.
I si e no por paga e but den un tiru, e por pagé na kuota.