Lokal
Eksitoso promé Konferensia di EUROPE DIRECT CURAÇAO
Willemstad – EUROPE DIRECT Curaçao, e sentro di informashon tokante Union Europeo a organisá nan promé eventonan físiko na Kòrsou. A organisá kuater seminario ku tabata parti di e konferensia. Miembro di Parlamento Europeo Sra. Samira Rafaela tabata e orador na introdukshon di tur kuater seminarionan.
E seshonnan tabata bou di guia di Germaine Rekwest ( University of Curacao i Steven Damiana (Kámara di Komersio) kual tur dos ta fungi komo gerente di Europe Direct Curaçao.
E promé seminario a tuma lugá den ouditorio di Kámara di Komersio i tabata tin komo título “‘The common challenges & priorities of the 
Oradornan durante e seminario i debate tabata sr. Paul Comenencia ( Konseho di estado di Reino Hulandes-Raad van State), Sr. Jaime Saleh (Minister di Estado), Sr. José Jardim (CBCS) i sra. Judric Pietersz (Ordenador nashonal interino pa fondonan Europeo)
Den seminario number dos ku a tuma lugá na – i den koperashon ku – Universidat di Kòrsou, a konsentrá riba diálogo ku hóbennan tokante tópikonan di Union Europeo.
E studiantenan tabata primeramente interesá den posibilidatnan ku Europa ta brinda pa interkambio di studiante. Studiante di lei, Sue- Shantely Lourens, ku a kaba di bini bek for di su práktika na Bruselas serka Overseas Countries & Territories Association a kompartí su eksperensianan ku e partisipantenan. Moderador Wil Willemsen a guia e studiantenan pa formulá nan prioridatnan personal den e tema di EU.
E terser seminario tabata den kuadro di orientashon Europeo den enseñansa, ku tabata bou di guia di Wil Willemsen, fundadó di e European Parliament Ambassador School ( EPAS).
Partisipantenan na e seshon tabata for di e tereno di enseñansa i tambe di direktivanan di skol. E seshon aki a wòrdu organisá den koperashon ku UoC.
E último seshon di e konferensia tabata seminario number kuater, un webinar ku a wòrdu organisá den koperashon ku Universidat di Aruba. Oradornan tabata Mildred Schwengle (Konseho di estado di Reino Hulandes-Raad van State) i Viola van Bogaert (Universidat di Aruba i Centrale Bank Aruba)
Europe Direct Curaçao, un inisiativa di Kámara di Komersio i Industria di Kòrsou i Stichting Caribische Belasting en Europawinkel (CBE) i a wòrdu lansa na mei e aña aki.
Establesimentu di EUROPE DIRECT CURAÇAO ta wòrdu finansieramente apoyá dor di Komishon Europeo, e direktiva di Union Europeo. Esun ku ta buska informashon tokante di Union Europe, hopi biaha no sa unda e kuminsá.
E struktura aki ta eksistí basta tempu kaba i ta aktivo den henter EU ku mas ku 500 punto di informashon, pero anteriormente nunka promé tabata tin un presensia den region di Karibe.
