Eks vise presidente di Ecuador kondena pa korupshon a sali liber

QUITO – Jorge Glas eks vise presidente di Ecuador ku a keda kondena na 2017 pa korupshon i malversashon di fondonan públiko a keda laga den libertat.
E motibu dikon a kondena Jorge Glas ta debí bou di atministrashon eks presidente Rafael Correa tabata metí den aktonan koruptivo i a aseptá soborno. Wes Emerson Curipallo ku ta atendé ku e kaso di Jorge Glas a bisa ku teniendo kuenta ku e eks vise presidente ku konstantemente mester di atenshon médiko spesial a laga den libertat ku banchi.
Jorge Glas kende tabata vise presidente di e eks mandatario sosialista Rafael Correa (2007/2017) a keda kondena na seis aña di kastigu di prizon pa motibu ku ela aseptá soborno miónes serka e firma Brasileño Odebrecht.

Na momentu ku Lenín Moreno (2017-2021) a keda elegí komo presidente di Ecuador ela laga investigá Jorge Glas i Rafael Correa ku tambe a keda kondena pero komo ku e ta biba na Bèlgika e no a kai sera ainda.
Vários medionan di komunikashon na Ecuador a publiká ku ta debí na fayo di ministerio di hustisia Jorge Glas a sali liber.