Internashonal
Eks minister Sunak ta lidera e kareda pa remplasá Boris Johnson
LONDRES – Un total di kuater kandidato a logra yega na e siguiente ronda di votashon den e kontienda pa bira lider di e partido Konservador i naturalmente remplasá Boris Johnson komo promé minister di Inglatera.
Di akuerdo ku medionan di komunikashon na Inglatera e kuater kandidatonan ku ketu bai ta den kontienda ta Rishi Sunak eks minister di ekonomia, sigi pa Penny Mordaunt minister di Komersio Internashonal, Liz Truss minister enkargá ku asuntunan eksterior i Kemi Badenoch miembro di parlamento.
E motibu dikon ta pensa ku Rishi Sunak lo bira e próksimo lider ta debí ku e tin 115 voto nan su fabor, sigi pa Mordaunt (82), Truss (71) i Kemi Badenoch ku (56).
Ta spera ku pa e siman aki mes lo tin un idea ken lo bai remplasá Boris Johnson i ku pa 5 di sèptèmber lo asumí e kargo komo promé minister di Inglatera.