Eks koleganan di Curoil a hasi un paseo riba Spaanse Water

Pa basta tempu kaba personal di Curoil tin un app kaminda nan ta entre kambiá di mensahe ku otro riba un base regular. E idea a sali di un di e personanan ku tabata traha na Curoil pa bini ku e app i asina keda ku kontakto ku e personanan ku ya no ta laborá mas na e kompania. Aparte di e penshonadonan, tin tambe algun persona ku te ainda ta laborá na Curoil. E entre kambio aki to hopi leuk ya ku di e manera aki bo ta keda den kontakto ku personanan ku den pasado bo tabata pasa hopi ora huntu.
Idea pa hasi algu huntu
Algun luna pasa Angèle Corasol huntu ku algun otro eks kolega a bini ku e idea pa hasi algu huntu. E idea aki a kai hopi na smak i Angèle huntu ku Angela Guiamo a traha riba e idea kual a konkretisá siman pasa, den un paseo riba boto den Spaanse Water. E dos damanan aki a regla tur kos i a presentá un proposishon den grupo.
E idea tras di e aktividat aki tabata pa di un forma informal tur hende topa otro atrobe i den un ambiente masha amikal pasa dos ora kontentu riba e barku. Tur hende a bini ku nan mes kos di bebe i Angèle i Angela a sòru pa kos di kome. Tur hende a reuní na Caracasbaai i a subi boto. Herbert Jacobus kende tabata

Aparte di e dos kasnan aki tin diferente otro kasnan di diferente di nos konsiudadanonan ku ora bo tende nan nòmber bo ta komprondé ku en bèrdat nan por tin un kas asina bunita riba Spaanse Water ya ku nan ta doñonan di negoshinan renombrá aki na Kòrsou.

Mas kosnan interesante ku bo ta mira riba Spaanse Water.
· Ora bo nabegá bai den direkshon di Tafelberg bo ta mira tres isla chikitu. Para riba tafelberg bo ta mira ku e islanan aki tin e mesun forma di Aruba, Kòrsou i Bonaire. Den pasado ora nos a bai subi Tafelberg nos a mira e islanan aki i e biaha aki nos tabata tin e oportunidat di mira nan di aserka for di e boto ku nos tabata aden.
· Bayendo den direkshon di Barbara Beach bo ta mira un boto ku ta segun nan ta bisa un réplika di un di e botonan ku Columbus a usa pa bini Amérika. E boto aki “Santa Maria” ta stashoná na Barbara Beach i ta bisa ku ta e intenshon ku den kurso di aña e lo tin ku bai den Punda kaminda e ta bai sirbi komo un restorant flotante. Esei ta nifiká ku pronto Punda lo tin un atrakshon nobo ku sigur lo ta bale la pena.
· Na Barbara Beach tin masha hopi moveshon di hendenan ku ta sea ku nan Sea Doo òf nan boto ta hasi rekorido di plaser riba nos awanan. Mi ta imaginá mi ku polis lo tin nan man yen pa sigurá ku tur hende ta komportá riba laman i ta tene kuenta ku e reglanan vigente di Covid.
· Nos no ta sigui bai pafó direkshon di Fuikbaai pero ta bira bek pa regresá Caracasbaai. Riba nos kaminda di regreso nos ta mira diferente kas traha den baranka i e kapitan ta splika nos ku pa haña pèrmit pa traha un kas riba e parti aki bo tin ku tene kuenta ku naturalesa i no tin mag di kita sierto partinan di naturalesa ku tei kaba. Asina nos ta mira un presiosidat di un kas ku banda di dje tin un baranka masha grandi. Juist e baranka aki ta duna e kas i tur otro kasnan ei bandanan un toke spesial.

Regreso na Caracasbaai
Nos tin ku bisa ku nos a pasa 2 ora sumamente agradabel riba e boto Red Snapers i ta masha gradesido na e “komishon di fiesta” ku a organisá e paseo riba awa aki. Tur e eks koleganan di Curoil a haña e oportunidat di topa ku otro atrobe i sigur a pasa hopi bon. Awor e komishon di fiesta tin un problema pasombra tur partisipante a trese padilanti ku e kos aki no por keda te akinan ya ku mester bini ku algu otro aki un par di luna. Pues komishon boso tin trabou.
Ora ku nos a yega bek tur hende a stèl òp pa saka un “group foto” pa asina tin un rekuerdo bunita di e atardi ku nos a pasa huntu. Mirando ku a sobra basta kos di bebe, esunnan ku tabata por a bai na e parkeerplaats na Caracasbaai pa disfrutá di lokual a sobra i sigui ‘entre kambia” di informashon ku no a bini na turno durante di e paseo.
Un pabien na Angèle i Angela i tambe na e kapitan di e boto Sr. Herbert Jacobus pa un atardi hopi ameno. Keda pendiente pasombra tin mas kos interesante na kaminda ku e grupo di eks koleganan di Curoil lo bai organisá den futuro.

Pa reakshon: anthony haile@yahoo.com /5126220