Eks hungadó (31) di NBA a keda asesiná na Orlando

ORLANDO – Eric Smith hefe di kuerpo polisial na Orlando a konfirmá ku Adreian Payne tabatin un diskushon bastante fuerte ku otro persona i esaki a bai outo buska un arma di kandela bini bek i tire mata.
Adreian Payne (31) eks hungadó di Minnesota Timberwolves, Atlanta Hawks i Orlando Magic a keda asesiná den un tiroteo dilanti su kas na Orlando.
Eric Smith a indika ku Adreian Payne tabata biba huntu ku su mama den un bario bastante trankil na Orlando.
E hòmber ku a tira Adreian Payne mata a keda identifiká komo Lawrence Dority (29).
Na momentu ku paramedikonan a yega pa transportá Adreian Payne pa hospital tabata demasiado lat.
Eric Smith a splika ku wes ku a atendé e kaso aki no a aseptá ningun fiansa pa Lawrence Dority.