Eks gobernador di Puerto Rico: Wanda Vazquez a deklará no kulpabel di kargo di korupshon

SAN JUAN – Ayera den sala di korte na San Juan Puerto Rico eks gobernadora Wanda Vazquez ku a keda akusá siman pasa di vários kaso di korupshon públiko a deklará no kulpabel di tur e kargonan ku tin kontra su persona.
Wes federal Camille Vélez Rive a skucha lokual abogado Ignacio Fernández di Wanda Vazquez a presentá ku e no a aseptá ningun finansiashon durante su kampaña na 2020.
Wanda Vázquez a keda arestá djaweps siman pasa na su residensia pa agentenan di FBI i despues di paga un fiansa a keda laga den libertat.
Lokual ku Wes federal Camille Vélez Rive a splika Wanda Vázquez ta ministerio públiko a presentá kargonan kontra dje pa konspirashon, soborno na programa federal i froude elektróniko.
Aparentemente tin prueba ku e bankero venesolano Julio Herrera Velutini i Mark Rossini eks agente di FBI tambe ta bou di investigashon relashoná ku e kaso aki.
Julio Herrera Velutini ta na Inglatera i Mark Rossini a bai biba Spaña respektivamente.
W. Stephen Muldrow fiskal general na Puerto Rico a bisa ku den kaso si e tres personahe nan aki resultá kulpabel nan lo por keda kondena kada unu na 20 aña di kastigu di prizon.