Eks empleado di CIA kulpabel pa filtra informashon konfidensial na WikiLeaks

NEW YORK – Ayera despues di kasi 5 aña ku un eks empleado di CIA su kaso tabata keda trata den Korte Federal a keda deklará kulpabel di filtra informashon konfidensial di estado na e porta digital WikiLeaks.
Ta trata aki di un eks empleado di CIA ku a keda identifiká komo Joshua Schulte ku tabata un programador di informátika pa e servisio di inteligensia.
Joshua Schulte tabatin un abogado ta representé den prinsipio pero despues a opta pa e mes atendé ku su kaso den korte Federal.
E filtrashon di dokumentonan konosí komo “Vault 7” ku a keda suministrá na WikiLeaks a keda pone riba portal e digital pa mundu mira.
Joshua Schulte a deklará den Korte ku tabatin bastante otro empleado di CIA ku tambe tabatin akseso na e informashonnan aki i ku nan tambe por a suministrá esaki na WikiLeaks pero a skohe su persona pa kondena.
Fiskal Damian Williams ku a atendé ku e kaso aki a indiká ku segun nan investigashon ta Joshua Schulte mes tabata suministrá WikiLeaks informashon konfidensial.
Den e kaso ku si Joshua Schulte keda kondena elo por pasa restu di su bida tras di trali.

Joshua Schulte……