Eks diputado Eva Kaili: Di Parlamento Europeo a rekonosé di ta impliká den eskandalo di korupshon

BRUSELAS – Eks diputado Eva Kaili ku tabata representá Gresia den Parlamento Europeo a atmití ayera na hustisia Europeo di ta impliká den e kaso di korupshon.
Durante momentu ku fiskalnan di Ministerio Públiko tabata interogá Eva Kaili ela atmití na outoridatnan ku na momentu ku su pareha Francesco Giorgi a keda detené a pidi su tata pa saka a maleta yena ku 600 mil euro for di su apartamento.
Eva Kaili a splika outoridatnan ku e a pone preshon riba su tata pa bai kue maleta i bai skonde na su kamber di hotel kaminda despues ela keda detené.
Ta trata di un kaso di korupshon kaminda Eva Kaili i Francesco Giorgi a haña e plaka aki na efektivo serka
ku un grupo di Qatar.
Eva Kaili tin for di dia 9 di novèmber enkarselá i su dia pa presentá den sala di korte na Bruselas ta djaweps 22 di desèmber próksimo.
Gobiernu di Qatar ta refutá gategorikamente ku nan ta envolví den e kaso di korupshon aki ku Eva Kaili i su pareha Francesco Giorgi.