Eks asistente di Trump a testiguá ayera dilanti komité parlamentario

WASHINGTON – Ayera Cassidy Hutchinson asistente ehekutivo di Mark Meadows kende tabata hefe di gabinete di Donald Trump a deklará na un komité parlamentario ku ta investigá e asalto ku a tuma luga dia 6 di yanüari 2021 na Capitolio.
Lokual ku Cassidy Hutchinson a bisa bou di huramentashon ta ku e plan ku Donald Trump tabatin ta pa bai kaminda su simpatisadónan tabata pa hib’é Capitolio i asina para Mike Pence di sertifiká ku Joe Biden ta presidente elekto nobo di Merka.
Pat Cipollone abogado di Kas Blanku a ekspresá ku esaki tabata e vershon ku e tambe tin di algun di esnan ku a keda kondena kaba pa asalto na Capitolio.
Cassidy Hutchinson a sigi elaborá indikando ku ta Ivanka Trump yu muhé di Donald Trump a papia duru ku su tata pa e no kometé e fayo pa bai ku e asaltantenan Capitolio.
Lokual ku lo bai hinka Donald Trump den problema ta ku Cassidy Hutchinson a bisa ku e eks presidente i su hendenan mas serkano na dje ta ku ela planeá e asalto pero no a pensa ku e resultado tabata asina desastroso.
Un total di 4 persona a pèrdè nan bida den e asalto na Capitolio i un Donald Trump i su hendenan ta responsabel pa lokual a pasa.