Eks asesor di seguridat di Trump a atmití di organisá gòlpinan di estado na Venezuela

WASHINGTON – Jake Tapper periodista di CNN a entrevista John Bolton eks asesor di seguridat nashonal pa atministrashon di Donald Trump riba vários interogatorio.
John Bolton a splika ku Donald Trump a kore kuné na 2020 debí ku e no por a kumpli ku e mishon di gòlpi di estado kontra Nicolas Maduro.
Den e entrevista John Bolton a atmití ku komo asesor di Seguridat Nashonal pa e atministrashon di Trump ela partisipá den diferente gòlpi di estado entre otro esun kontra Nicolas Maduro.
Donald Trump tabata sostené i rekonosé lider opositor Juan Guaidó komo presidente interino di Venezuela pa asina por a manipul’é despues si a logra e gòlpi di estado kontra Nicolas Maduro.
Jake Tapper a puntra John Bolton si Donald Trump a organisá e coup na Kapitolio.
Den e kaso aki John Bolton a splika ku Donald Trump no tin e kapasidat pa organisá un coup asin’aki debí ku esaki ta tuma tempu i hopi trabou di kual e eks mandatario no tin ningun klase di noshon di esaki.