Eks alkalde di California: A muri den aksidente aereo

CALIFORNIA – Siman ta kuminsá ku tragedia na Playa na Santa Monica, California na momentu ku 1 piloto i doño di un avioneta model Cessna 150 a lanta buelo na un aeropuerto priva i a keda konfrontá ku problema.
E doño di e avioneta ku tabata kier a dal un buèlta a resultá di ta Rex Minter (95) eks gobernador den dékadanan 60 i eks wes di Korte Supremo di California.
Testigunan ku tabata na e playa di Santa Monica i ku a presensia lokual a pasa a konfirmá na outoridatnan ku e avioneta tabata bulando hopi abou i na dado momentu e motor a paga.
E piloto a hasi un tremendo trabou pa no kai den laman i a logra aterisá riba tera pero debí na e impakto fuerte e avioneta a bòltu.
E spantu i impakto fuerte a pone ku Rex Minter a sufri un ataka di kurason i te na momentu ku paramedikonan a yega ela fayesé.
Pa lokual ta e piloto si e keda transportá ku urgensia pa hospital kaminda ela keda interná den kuido intensivo i ku ta bou di opservashon médiko.
Agentenan di FAA (Federal Aviation Administration) lo keda enkargá pa investigá kiko realmente a bai robes .