Ehersisio di Defensa riba pista di aterisahe na Koraal Tabak

WILLEMSTAD. E pista di aterisahe na Koraal Tabak den e simannan benidero ta un área ku aktividatnan militar. Entre 7 i 17 di sèptèmber den e besindario di e pista di aterisahe tin movimentunan di buelo ta tuma lugá pa finnan di treinen. Lo bai ehersé evakuashonnan médiko. Defensa tin pèrmit di outoridatnan di Aviashon pa por trein na Koraal Tabak. E ehersisio aki na Koraal Tabak ta drai riba evakuashon médiko. Den kaso di un emergensha tin biaha por ta nesesario ku un avion mester aterisá na lugánan kaminda esaki lo no sosedé usualmente. Den kaso di leshonnan grave, inkluso hasta mortal, literalmente kada minüt ta konta. Esun heridá na e momentu ei ta keda trasladá na un lugá kaminda tin mihó kuido disponibel. Tambe ta bai trein kon pa ‘’drop’’ material médiko for di un avion. Ku esaki tambe por brinda promé asistensia di kuido na e herido na momentu ku un avion no por aterisá.

No tin akseso pa personanan no outorisá
E área ta tereno privá pues normalmente en todo kaso ya no ta aksesibel pa esnan no outorisá. E ehersisio a keda aprobá pa Outoridatnan di Aviashon Sivil (Civil Aviation Authority).