Eden Hazard ta retirá for di selekshon di Bèlgika

DOHA (C) – Riba media sosial e hungadó Eden Hazard a duna di konosé ku e kla ku e selekshon. Anto ku mundial di Qatar ta su último presentashon pa ku selekshon
Ela yega di hunga un total di 126 wega pa e selekshon belga kaminda ela skor 33 gol.

Pa Hazard e mundial aki ta un desepshonante ora ku na a sali gana di Canada ku skor mínimo di 1-0.

Despues nan a sufri un derota na man di Maroko i den nan último partido un empate kontra di Kroasia.

Esaki mes a pone ku for di promé buèlta nan ta keda eliminá.

E temporada aki mes di futbòl Hazard no a hunga masha wega pa su ekipo ya komo e ta leshoná pa gran parti di e kampionato
Pero tòg den e mundial aki ela hunga tur e 3 weganan komo titular
Sigur Eden Hazard ta un tremendo hungadó I e mihó hungadó di Belgika.

Ela debutá dia 8 novèmber 2008 dia e ta tin 17 aña. E dia ey Bèlgika a empatá ku Luxemburg .

Ku e selekshon di Bèlgika nan a logra kuart final di 2014 I semi final na 2018.