Ecuador a kuminsá eksportá cannabis pa Suisa pa uso médiko

QUITO – E empresa ekuatoriano CannAndes pionero den kultivo legal di cannabis o mariwana a informá ayera ku nan a eksportá nan prome kargamentu pa un empresa Suiso ku lo bai elaborá e materia prima pa uso médiko.
E transporte di e flor i tintura di cannabis lo keda transportá via avion di karga di Ecuador pa Suisa.
Felipe Norton direktor ehekutivo di CannAndes a splika ku na Ecuador mester a krea un unidat antinarkotiko di polis ku ta inspekshona i spesifiká e produkto aki prome na nan laboratorio prome ku esaki keda eksportá pa Suisa.
E kultivo di mariwana ta keda bon protehá pa empleadonan di CannAndes pa asina no usa esaki otro manera.
Felipe Norton a splika ku e komponente psikoaktivo di cannabis pa eksportashon mester tin un balor ménos di porsentahe di konsentrashon THC (Tetrahidrocannabinol).