Internashonal
Ebrahim Raisi presidente di Iran a manda atvertensia serio den direkshon di Merka i Israel
TEHERÁN – Ebrahim Raisi presidente di Iran a lansa un atvertensia hopi serio den direkshon di Merka i Israel despues ku presidente Joe Biden a toka e tema ku lo no duda den usa forma militar si no para ku arma atómiko.
For di Israel presidente Joe Biden a manda un mensahe den direkshon di Ebrahim Raisi ku Merka i Israel lo no aseptá ku Iran ta sigi avansá rápidamente ku nan programa di armanan nuklear.
Biden ta konsiderá ku e programa avansá nuklear ku Iran ta desaroyando aki ta sumamente peligroso no solamente pa e paisnan den region sino pa pas mundial.
Ebrahim Raisi a manda un mensahe bek den direkshon di Joe Biden indikando ku kualkier eror ku Merka i su aliadonan den region di medio oriente kometé Iran lo garantisá ku nan lo ataka bek.
Ebrahim Raisi a splika ku Israel nunka por tin relashon normal den e region di Medio Oriente debí ku nan lidernan no ta di konfia.