E venenu di kalumnia

Outor: Pader Fernando Pascual

Palabranan ta únikamente bochincha si nan no ta bisa nos nada. Palabranan ta algu pió ku un bochincha si nan ta siña nos mentira.

Kalumnia ta mentira kontagioso. Basta un ironia, un insinuashon, un spekulashon, un artíkulo òf un buki i ta konstruí un historia falsu den kua ku algun “pober hòmber” ta keda pintá komo un loko, un kriminal, un maniak òf un reenkarnashon di maldat. Mentira ta pasa di boka pa boka, rápido, manera un kandela ku no por para. Talbes e ta pasa despues pa esun skirbí, pa prensa, pa historia, i ta dura lunanan, añanan òf inkluso, siglonan…

Tin personanan ku tin e lenga fásil. Nan ta asumí delito den tur kos, den personanan i gruponan, den rasanan i den religionnan. Basta ku un hende tin suerte den negoshi, p’asina kuchi kuchi nan bisa ku e mester a hòrta. Si un polítiko ta gana elekshonnan, lo e a kumpra hopi voto.

Si un saserdote ta konosí pa su bon predikashinan, sigur ku mester tin algun amante skondí den ofisinanan parokial. Si un señora ta sali tur atardi pa keiru ku su kasá, algun hende lo no tarda den insinuá di forma malisioso ku tur mainta kasi sigur lo e a ofresé su mes na su hefe di trabou pa servisionan no di ofisina.

Redu ta manera un mundu skur ku ta mira kos malu kaminda no tin, i ta siegu pa mira kualkier forma di kos bon. E no ta komprendé balornan, ni di heroísmo, ni sa santidat. E hasidó di redu ta stroi tur loke por ta bon rondó di dje p’asina ku mundu ta ser mirá di skuridat, egoismo i falsedat. Ningun hende por ta bon pa e hasidó di redu, kisas pasobra e ladron ta pensa ku tur hende ta di su kondishon…

E hasidó di redu no por ta un hende felis. Su lenga