E tin un leshon na hep: Kike Hernandez afó pa leshon…

E hungadó di utilidat Kike Hernandez di Boston Red Sox a subi lista di hungadó leshoná di 10 dia.

Kike tabatin algun wega ku Red Sox no tabata us’e, i hasta tabatin rumor ku e lo por regresá e tim di Los Angeles Dodgers den un deal.

Ayera sinembargo Red Sox a informá ku nan a pone Kike Hernandez riba lista di hungadó leshoná di 10 dia.

E tin un leshon na su hep.

Kike Hernandez ta bateando .209 di averahe, ku 4 homerun i 24 kareda empuhá.