E tin di keda ku protektor di garganta bisti 1 siman: Jurickson a haña sla na kabes den hugada.. E la “Collapse” bahando Vèlt…

E pelotero estrea YDK Jurickson Profar ayera a haña un sla na kabes den un hugada kaminda e infielder CJ Abrams a dal den dje buskando un fly entre left i shòrt, i e rudia di Abrams a dal Jurickson na kabes.

Jurickson a lanta i trata di bandoná tereno riba pia, pero e la “collapse” i nan mester a fangu e pelotero YDK pa e no kai.
Finalmente e utility di Padres a bandoná tereno riba brankar pa despues bai hospital pa chekeo.

5 Star a komprondé di nos kolega Calili Ruiter ku e Mama di Jurickson a informá ku Jurickson por a bandoná hospital, pero mester keda ku un protektor di garganta bisti pa sigur 1 siman.