E ta hungando sumamente bon: Shakir Albert ku 3 doblete ayera na Italia…

E YDK Shakir Albert ta “Red Hot” den baseball Italiano ku su tim Grosetto.

Shakir den e triunfo di ayera ku su tim a bati no ménos ku 3 doblete.
E timnan ta hunga tur fin di siman den baseball Italiano.

Siman pasá Shakir a dal homerun, i ayera 3 doblete.
Albert ku tabata firmá ku e organisashon di Los Angeles Dodgers ta hunga aki na Kòrsou pa e tim di Sta. Rosa Indians/Arcas/Jeep/Ennia.

Grosetto ta hunga 2 partido mas awe ku e YDK Shakir kayente den e último weganan.