E pelea lo hasiele konosí: Shakur Stevenson ta reta Ryan Garcia…

Shakur Stevenson ku ta kampeon mundial super pluma ku ta di 130 liber tin e deseo di bringa kontra di e “Niño Bonito” di bòkseo ku ta Ryan Garcia.
Shakur Stevenson ta bisa ku un kombate vs Ryan Garcia lo sirbi pa tur hende mira su talento.
Ryan Garcia apesar di no ta kampeon mundial ta un dje boksdonan mas karismátiko ku tin.
E tin un base di fanatikada hopi grandi i ya ta milionario.

Stevenson ta un dje mihó boksdonan liber pa liber ku rekòrt di 18-0, ku 9 nòkout.
E ta super talentoso.
Ryan Garcia ku a bisa ku e ta bringa den 140 liber su rekòrt ta di 23-0, ku 19 nòkout.
E la logra triunfo pa nòkout den su último kombate vs Javier,”Abejon” Fortuna.