Internashonal
E Nigeriano Mohammed Barkindo sekretario general di OPEP a fayesé
ABUJA – Un notisia ku realmente a sorprendé i konmashona tur e lidernan di miembro di OPEP ta e notisia di fayesimentu di Mohammed Barkindo (63).
For di 1 di ougùstùs di aña 2016 Mohammed Barkindo a asumí e kargo ehekutivo komo sekretario general di OPEP.
Últimamente Mohammed Barkindo tabata buska interes di miembronan di OPEP pero tambe tabata buska interes general pa tene preis di kombustibel abou.
Durante un periodo kòrtiku Mohammed Barkindo tabata presidente di e kompania petrolero NNPC (Nigeria National Petroleum Corporation).
Muhammadu Buhari presidente di Nigeria a deklará ayera ku Mohammed Barkindo tabata un di nan mihó ekspertonan ku lokual a pasa aki ta un pèrdida grandi no solamente pa OPEP sino pa Nigeria.
Lokual ku ta alarmante ta ku Mohammed Barkindo ta fayesé nèt na momentu di turbulensia den e merkado petrolero.