Deporte
E DT mas ganadó di nos di tur tempu: “Nooi” Girigorie:”Ulanda no a konvensé”…
Norman, “Nooi” Girigorie su salú ta bai mas mihó, ta manera Regnault Bloem a yega di bisa nos:”Mester puntra pa hende”…
”Nooi” e DT mas ganadó di tur tempu den nos futbòl lokal i ku meresé di ta den “Hall of Fame”, no “Hall of Shame” ta fanátiko di Ulanda, “Oranje”.
E ta bisa ku e tin pasaporte ulandes, i ta ku e selekshon dirigí pa Louis Van Gaal.
Girigorie ta bisa ku pe Ulanda no a konvensé vs Senegal..
“Bo no por hunga e forma ei vs un Fransia ku si a impreshoná.
Ulanda tin algun debilidat ku nan tin di traha ariba.
Lo mi no revelá e debilidatnan di Ulanda.
Girigorie a bisa ku e ta simpatisá ku futbòl di Brazil, pero esun real.
Brazil e último mundial a hunga futbòl Europeo.
Girigorie ta rekonosé ku si Ulanda i Brazil mester topa ta un problema pe personal.
“Mi tin pasaporte ulandes i ta ku Ulanda.
Mi ta Brazil pa nan estilo di wega, pero e Brazil original, no e Brazil Europeo”, esei tabata “Nooi” El Úniko…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
