Deporte
Durante Training ku su Tim Atletico Tucuman na Argentina: Andres Balanta,22, ta sak den otro i muri…
E futbolista Colombiano di 22 aña di edat Andres Balanta durante training ku su tim na Argentina ku ta Atletico Tucuman a sak den otro riba tereno i fayesé.
Balanta tabata mediokampista dje tim di Tucuman di futbòl di Argentina.
Segun informashon e hungadó tabata den training, i direpente e la sak den otro.
E la muri na tereno, sin ni por a yega hospital.
E bosero dje tim Atletico Tucuman a informá ku nan no sa ainda kousa dje morto di Balanta.
E notisia aki naturalmente tin mundu di futbòl di Colombia i di Argentina den “shock”.