Internashonal
Durante parada di Pasku na Nort Carolina: Shofùr di pickup a pèrdè kontrol i trapa muchu mata
NORT CAROLINA – Mary-Ann Baldwin alkalde na Raleigh Nort Carolina a konfirmá ku djasabra durante un parada di Pasku a surgi un tragedia.
Lokual a pasa ta ku shofùr ku tabata trùk i ku tabata trèk un karosa ku dekorashon di Pasku a pèrdè kontrol di e vehíkulo debí ku e tabata kore demasiado duru.
E vehíkulo a bai trapa un mucha ku tabata forma parti di un grupo ku tabata bailando.
Mary-Ann Baldwin a splika ku segun informashon di testigunan e shofùr di e trùk identifiká komo Landen Christopher Glass (20) tabata koriendo e vehíkulo di un forma iresponsabel.
Testigunan ku a presensia kiko a pasa a konfirmá na outoridatnan ku e shofùr iresponsabel tabata bou di su awa i ta p’esei a kousa e aksidente horibel aki.
E motibu dikon e kriatura a muri ta debí ku ela keda trapa pa e trùk ku tabata bastante pisa i ta opvio ku un serhumano no por sobrebibí algu asin’aki.