Durante Foro Internashonal na Rusia: Lavrov lo reuní ku prome minister di Cuba i vise presidente di Venezuela

MOSKU – María Zajárova bosero di gobiernu Ruso a informá ku awe lo kuminsá ku un Foro Ekonómiko Internashonal na Saint Petersburg.
E Foro Ekonómiko Internashonal di Saint Petersburg ta un senario di enkuentro entre alto funshonarionan di gobiernu Ruso i representantenan di gobiernu di paisnan den Amerika Latina i paisnan Afrikano.
María Zajárova a splika ku durante e dianan di e Foro Ekonómiko Internashonal Serguéi Lavrov lo reuní ku vários minister di Amerika Latina i paisnan den kontinente Afrikano.
Durante dia di awe mes Serguéi Lavrov lo reuní ku Delcy Rodriguez vise presidente di Venezuela i Manuel Marrero prome minister di Cuba.
Pa mayan Serguéi Lavrov lo reuní ku Iván Adolfo Acosta Montalván minister di Finansas di Nicaragua, Daniel Ortega Reyes presidente di Parlacen (Parlamento Centroamericano) i Carlixto Ortega presidente di Banko Sentral di Venezuela.