Durante diskurso: Abeha a drenta den boka di promé minister Doug Ford

ONTARIO – Doug Ford promé minister di Ontario durante rueda di prensa relashoná ku privatisashon di seguro médiko a hañe den un situashon bastante inkómodo na momentu ku un abeha a drenta den su boka.
E abeha tabatin un ratu ta bula serka di e podium kaminda promé minister Doug Ford tabata para ta duna su rueda di prensa.
Na dado momentu a nota ku Doug Ford a kuminsá aktua straño i pa despues ela bebe poko awa.
E promé minister di Ontario a bisa ku ta un abeha a kaba di drenta su boka i ta p’esei ela aktua straño.
Doug Ford a bisa ku lokual a pasa kuné aki lo bai viral sigur debí ku esaki a tuma luga durante momentu ku tabata graba su diskurso.