Internashonal
Durante dia di Independensia: Nicolás Maduro a ekshibí pa prome biaha drone Iraní di kombate ensambla na Venezuela
CARACAS – Pa prome biaha riba “Dia di Independensia” tabatin un desfile di militar na Los Próceres Caracas kaminda a ekshibí un kantidat di armamentu nobo ku a keda ensambla na Venezuela mes.
Lokual a keda ekshibí durante e desfile aki ta un kantidat grandi di avionnan no tripulá (Drone) di teknologia Iraní pero ku a keda ensambla na Venezuela mes.
E dronenan aki a keda boutisa bou di e nomber Antonio José de Sucre-100 (ANSU-100) originalmente konosí komo Mohajer-2.
E aparato aki a keda modernisá i ensambla na Venezuela.
Nicolas Maduro a deklará ku e avionnan aki lo bai keda usa pa protehá espasio aéreo Venesolano.
Tin indikashon ku ta for di aña 2020 a kuminsá ensambla e dronenan aki na Venezuela i ku ta hasiendo trabounan
di patruyahe pa algun tempu kaba na frontera entre Venezuela i Colombia.