Durante bishita di Pelosi na Seul: Ta reafirma ku Merka tin kompromiso pa bai desnuklearisa Nort Korea

SEUL – Nancy Pelosi a reafirma na Seul ayera tardi ku Merka tin e kompromiso pa bai desnuklearisa Nort Korea. Tambe por a komprondé di parti Nancy Pelosi ku e situashon den e region di Asia ta di preokupashon debí ku tin un desaroyo di armamentu nuklear bastante avansá di parti Nort Korea.
E rueda di prensa a keda presentá despues ku Nancy Pelosi a reuní ku Kim Jinpyo presidente di Kongreso na Sur Korea.
Komo Nancy Pelosi ta presidente di Kongreso merikano e tin e outoridat pa duna sierto deklarashonnan di e kompromiso ku Merka lo bai tin pa atendé ku Nort Korea.
Nancy Pelosi durante su rueda di prensa na Sur Korea
a hasta desafiá Xi Jinping indikando ku pa motibu ku ela bishita Taiwan su régimen a kuminsá ku akshon militar komo motibu di provokashon.
Yoon Suk-yeol presidente di Taiwan tambe tabata presente na e rueda di prensa i a bisa ku nan tin konfiansa ku Merka lo yuda tur e paisnan Asiátiko ku ta bou di menasa di China i Nort Korea.