Durante atrako: Agente polisial hispano na Miami a risibí tiru di bala den kabes

MIAMI – Alfredo Ramírez direktor di departamento di Polis na Miami-Dade a konfirmá ku un agente polisial hispano ku a bai atendé ku un kaso di atrako lo a risibí un tiru di bala den kabes.
Lokual a pasa ta ku un kriminal a kaba di kometé un atrako na un kas na Broward i tabata den su vehíkulo ta buskando manera hui for di e sitio di krímen.
Agente César Echaverry (29) tabata e agente ku tabata su tras i aki na momentu ku e vehíkulo di e atrakador a aksidenta e atrakador a baha i kuminsá tira di e patruya di e agente.
Konsekuensia di lokual a pasa aki ta ku agente César Echaverry a risibí un tiru di bala den kabes.
Otro agentenan polisial ku a yega i ku a presensia lokual a pasa ku agente César Echaverry a sefta e atrakador aki ku bala.
Alfredo Ramírez a splika ku César Echaverry a keda transportá ku urgensia pa Ryder Trauma Center Hospital na Miami kaminda e ta interná den kuido intensivo den estado kritiko.