Duque a impedí uso di spada di Bolívar den poseshon di Petro

BOGOTA – Marisol Rojas direktora di Ministerio di Kultura i Museo Nashonal na Colombia a keda desapuntá ku e aktitut kaprichoso i falta di boluntat di Ivan Duque ku a pone preshon pa no laga e spada di Bolívar keda usa na e akto di protokòl di transishon di mando di presidente elekto Gustavo Petro.
E motibu segun Marisol Rojas dikon Ivan Duque no a laga usa di spada di Bolivar ta debí ku tempu ku Gustavo Petro tabata militá den M-19 ela partisipá den hòrtamentu di e spada.
Ta un tradishon ku durante investidura di un presidente nobo na Colombia ta laga ‘Paloma de la Paz’ di maestro Fernando Botero drenta Casa de Nariño.
Esaki tambe Ivan Duque a impedí ku ta demostrá ku e eks presidente di Colombia ta rabia ku Gustavo Petro lo bai goberná e pais.
E aktitut aki ta nifiká ku Ivan Duque lo no ta dispuesto pa trese pas i trankilidat den polítika na Colombia.