Duna nos fraternidat

Awe, nos ta pidi Bo Señor, lo mas presioso:
ku nos ta mira den nos berdadero karanan,
p’asina ku nos ta kere di ta importante,
i nos traha lugá den nos kurason
pa nos rumannan i pa Bo.

Nos ta pidi Bo, Señor, lo mas desisivo:
ku nos no ta pone nos mes
den sentro di nos kurason;
ku nos ta sinti deseonan di otronan
i ku nos ta sinti deseonan di Abo.

Nos ta pidi Bo pa nos no kana yen
di nos mes ni di nos soñonan;
nos ta pidi Bo ku tampoko nos idealnan i proyektonan,
ta kombertí pa nos den lo apsoluto i máksimo
ku ta stroba nos rekonosé e karanan ageno
i skucha nan yamadanan.

Dios i Nos Tata, nos ta alabá Bo i ku bo Yu Hesus,
simpel i di kurason humilde,
pasobra Bo a skonde bo salbashon pa esnan sabí i eksperto
i a revelá esaki na e hendenan simpel;
Sí, Tata, bendishoná Bo ta dor di a parse bon asina.

Pero nos, Señor, mesora nos ke bira grandi
i hasta kopia gestonan di esnan grandi di e mundu akí;
nos por pone karanan grandi i kana preokupá
manera si e marcha di mundu lo kologá riba nos skoudernan.

Duna nos, Señor, e gustu di ser kompañero i rumannan di tur hende,
e gustu di biba un bida kompartí,
di risibí agradesido pa por duna gratuitamente.

Duna nos e kapasidat pa mira e rikesa skondí di hendenan
ku ta biba banda di nos,
i e pobresa pa duna sin spera nada a kambio.
Di e moda akí, liber di ambishonnan,
nos lo por brasa mundu berdaderamente
i entregá nos simplemente na e tarea di diserní
e signonan di tempunan… siguiendo Abo Señor pa e kamindanan
di bida bibando i proklamando bo Evangelio.