Dos turista a hera hoga polis y algun ciudadano a rescata nan

ORANJESTAD-Diasabra mainta, tabatin un caso basta serio na Baby Beach. Tabata pa mas of menos 11:15 am, cu Polis a ser notifica cu tin algun turista den problema na Baby Beach. T’asina cu dos turista a haya nan mes cu problema den lama. Ambos a guli basta awa y a bay fo’i tino. Den prome instante a kere cu hasta nan lo a hoga, pero cu trabou duro di algun ciudadano y Polis, a logra saca nan for di awa y traha cu nan mesora. Ambulance tambe a ser notifica y tabata na caminda.

Un ciudadano, certifica pa duna CPR a logra rescata e turistanan aki.

Un tabata den un estado mas critico cu e otro. Na dado momento durante CPR un di e damanan a cuminsa saca.

Nos por a compronde nan a dicidi di bay landa  patras di Baby Beach, esta pafo di e boei, unda cu coriente ta halto. Ambulance a presenta cu na final a transporta nan tambe pa hospital caminda nan lo ricibi atencion medico avansa.

Tin di aplaudi e forma con pueblo y Polis a traha hunto, esey ta netamente locual Lito Lacle, vocero di Cuerpo Policial a subraya tambe den su entrevista na Baby Beach. E turistanan aki tin cu bisa danki cu e momento ey, nan a haya ayudo di un persona cu sa con pa aplica CPR.