Dos polis a demanda a Trump pa lokual a pasa ku nan na Kapitolio

WASHINGTON – Donald Trump ta bai tin bastante dolor di kabes den e próksimo fechanan benidero ya ku demandanan a kuminsá kai kontra su persona relashoná ku e atakenan ku a tuma dia 6 di yanüari na Kapitolio.

Den e kaso aki, pa kuminsá tin dos agente polisial identifiká komo James Blassingame i Sidney Hemby ku tin kasi 30 aña di eksperiensha di servisio a demanda Donald Trump.

Abogadonan ku ta representá di James Blassingame i Sidney Hemby a entrega nan demanda kaba na korte Federal na Washington.

Kada un di agentenan aki ta eksigiendo $75.000 na daño

i perwisio debí na e kantidat di leshonnan ku nan sufri di gòlpinan ku nan a haña serka fanatikonan di Trump.

E alegatonan ku e abogadonan aki presentá ta ku e polisnan ta akusá Donald Trump komo esun ku a instiga

e manifestantenan bai para nombramentu di Biden na Kapitolio.

Segun datonan di Departamentu di Hustisia na Merka riba e dia di disturbio aki sentenáres di polis a keda seriamente agredí i hasta unu a fayesé di kantidat di gòlpinan ku ela risibí na man di e manifestantenan di Trump.