Dos morto i tres herido den un tiroteo na Washington

WASHINGTON – Ashan Benedict bosero di kuerpo polisial na Washington a konfirmá ku ayera alrededor di 2’or di mèrdia tabatin un kaso di bashamentu di bala registrá entre O Street NW i N. Capitol Street. Tin informashon ku dos hòmber a kore yega baha for di un Hyundai Santa Fe pretu di 2020 i kuminsá tira.
Konsekuensia di e kaso di bashamentu di bala aki tin ta ku dos persona a muri i tres hende a resultá seriamente herida. Ashan Benedict a splika ku agentenan polisial di DC i DC Fire & EMS a atendé ku e kaso di bashamentu di bala ku a registrá dos morto i tres herido. Ahmad Clark (25) di Bristow, Virginia a keda deklará morto i un hende muhé ku su nòmber no a keda revelá tambe a fayesé. Outoridatnan ta buskando un Hyundai Santa Fe 2020 ku tin un number 956515X ku a keda registrá na Virginia.