Dos hòmber akusá na Merka pa konspirashon di labamentu di $1.200 mion di PDVSA

MIAMI – Juan Antonio Gonzalez fiskal general pa Miami a konfirmá ku Departamento di hustisia merikano akusá dos atministrador di aktivo finansiero pa konspirashon di labamentu di $1.200 mion di fondonan di e kompania petrolero di estado Venesolano PDVSA.
E dos akusadonan pa konspirashon di labamentu di $1.200 mion di fondonan di PDVSA a keda identifiká komo Ralph Steinmann (48) di nashonalidat Suiso i su sosio Luis Fernando Vuteff (51) Argentina.
Juan Antonio Gonzalez Departamento a splika ku Ralph Steinmann i Luis Fernando Vuteff a keda kada akusá di kargo pisa di konspirashon pa laba plaka, korupshon i malversashon di fondonan públiko ku ta pertenesé na e pueblo venesolano.
Kuentanan bankario di Ralph Steinmann i Luis Fernando Vuteff a keda kongelá i tur propiedat atkerí na Merka a keda konfiská. Den e kaso si haña Ralph Steinmann i Luis Fernando Vuteff kulpabel ámbos lo por keda kondena na 20 aña di kastigu di prizon. E ekspertonan finansieronan aki a usa sistema nan sofistiká for di Yuli di 2014 pa desèmber di 2018 pa evadí kontrol i pa no paga belasting riba e ganashi ku nan empresa a gana.