Dos hóben na Tampa: Lo por keda kondena pa 25 aña di prizon pa morto di nan amigu

TAMPA – Tin un kaso ku lo keda trata e siman aki na Tampa den korte relashoná ku un aksidente di outo ku a tuma luga durante kareda di outo riba kayanan públiko.
Lokual a pasa ta ku e tres amigunan Austin Lewis (17), Kristopher Trenker (19) i Payton Fordyce (16) a bai pusta riba karetera públiko dia 24 di yüli último.
Austin Lewis kende tabata koriendo e vehíkulo a aparentemente a bebe bastante alkohòl i asina mes a bai pusta huntu ku su dos amigunan den su outo.
Segun testigunan ku a wak kiko a pasa a notifiká outoridatnan ku Austin Lewis tabata koriendo hopi duru i yegando final di e kaya a pèrdè kontrol i a bai bòltu.
Konsekuensia di e impakto fuerte aki a pone ku Payton Fordyce a sali katapulta for di e outo.
Fiskal ku ta atendiendo ku e kaso aki a yega na e konklushon ku Austin Lewis i Kristopher Trenker ámbos ta responsabel pa morto di Payton Fordyce.
Brittany Bunnell ku ta mama di Payton Fordyce a bisa ku ela pèrdè su úniko yu i ku ta pidi wes i huradonan pa no tene piedat ku Austin Lewis i Kristopher Trenker.

Payton Fordyce (16) huntu ku su mama Brittany Bunnell.