Internashonal
Dos avioneta a dal den otro den aire na Colorado
COLORADO – Tres persona a muri djadumingu mainta na momento ku dos avioneta a dal den otro durante pleno buelo na Denver Colorado.
Konsekuensia di e aksidente aéreo i impakto fuerte aki ta ku tres persona a bin pèrdè nan bida.
Paul Pazen bosero di kuerpo polisial na Colorado a bisa ku vários testigu a wak kiko a pasa i ku a indika ku ámbos piloto lo a kometé un fayo ku nan plan di buelo.
FAA (Federal Aviation Administration) a konfirmá ku e dos avionnan ku a dal den otro durante pleno vuelo tabata un Cessna 172 i un Sonex Xenos.
Den e avioneta Cessna 172 tabatin dos okupante abordo i den e Sonex Xenos tabatin un okupante.
Ningun di e víktimanan a keda identifiká.