Internashonal
Donald Trump huntu ku hinter su famia presente na entiero di Ivana na New York
NEW YORK – Donald Trump eks presidente di Merka huntu hinter su famia tabata presente na entiero ayera di su prome kasa Ivana Trump.
Outopsia ku a keda hasi riba restunan di Ivana Trump (73) a revelá ku ela fayesé debí ku ela kai for di un trapi na su residensia na New York i dal su kabes.
Don Jr, Ivanka i Eric Trump ku ta yunan di Ivana Trump tur tabatin bunita palabra pa nan mama durante e servisio religioso ku a keda selebrá na Iglesia katóliko na San Vicente Ferrer na Manhattan.
Donald Trump tambe tabata bastante emoshoná durante e seremonia debí ku ta trata aki di mama di su prome tres yunan.
Komo ta trata aki di un famia prudiente i konosí na New York tabatin bastante agente di seguridat pa nan protekshon parti paden i pafó di e misa.
Den e kaso aki hasta Melania aktual kasa di Donald Trump i nan yu Barron tabata presente na e entiero di Ivana Trump.