Internashonal
Donald Trump a risibí: Bastante krítika pa su reunion ku Kanye West i Nick Fuentes
WASHINGTON – Donald Trump aparentemente tabatin un enkuentro ku e konosido i kontroversial Raper merikano Kanye West i tambe un hóben ekstremista rasista ku yama Nick Fuentes.
E reunion entre Donald Trump, Kanye West i Nick Fuentes a tuma luga na e mansión di e eks presidente merikano na Mar-a Lago.
E motibu dikon Donald Trump a risibí bastante krítika di miembronan prominente di partido Republikano mes ta debí ku Kanye West a bin ta insultá hudiunan ku ta kontrolá industria finansieronan na Merka i tene hende pretu abou.
Pa lokual ta Nick Fuentes ku ta adorá Adolf Hitler i ta un ekstremista rasista blanku tambe ta kontra di hudiunan ku ta doño di tur multinashonalnan importante ku tin gobiernu merikano bou di nan gara.
Andrew Bates bosero di atministrashon di Biden a bisa ku Donald Trump ta mesun loko ku e dos individuonan aki i ku ta spera ku e pueblo merikano i partido Republikano por atendé na serio ku e eks presidente di Merka.