Donald Trump a krítika: Biden ku a bai mendigá Venezuela i Arabia Saudita pa petrolio

WASHINGTON – Donald Trump ku trahando duru pa bini bek komo presidente di Merka a duna su deklarashon di lokual e ta pensa di Biden.
Den e kaso aki manera ta kustumber Donald Trump no tabatin muchu bon komentario pa bisa di Biden.
Trump a bisa ku Joe Biden ta pone kara di Merka na bèrgwensa pa lokual e ta hasiendo ku ta mendigá Venezuela i Arabia Saudita pa petrolio.
Donald Trump a splika ku Merka ta un nashon importante i no mester di tin un presidente ku ta kana mendigá pa petrolio.
Lokual ku presidente Joe Biden a hasi ta di laga kompanianan petrolero merikano kuminsá traha bek na Venezuela i habri kaminda bek pa Maduro sigi hòrta plaka di PDVSA. Esaki ta nifiká ku pronto lo bai tin bastante krudo bek riba merkado pa baha preisnan haltu di kombustibel.
Donald Trump a manifestá ku lokual Joe Biden a faya garafalmente ta aseptá tur areglonan ku Venezuela i Arabia Saudita ku denter di poko lo bai afektá situashon ekonómiko di Venezuela.