Internashonal
Donald McEachin senador Republikano ku tabata representá Virginia a fayesé
WASHINGTON – Donald McEachin (61) senador ku tabata representá partido Republikano pa estado di Virginia a fayesé ayera despues di a lucha 9 aña den lucha kontra kanser. Tara Rountree bosero di partido Republikano a bisa ku for di aña 2013 a konstatá ku senador Donald McEachin tabatin kanser.
Donald McEachin tabatin kanser ku tabata tratabel i a bin ta tuma seshonnan di kimoterapia na Virginia i ku hasta a keda informá na 2017 ku ela kura.
Pero dos aña despues e kanser a bolbe aparesé i ku asina a keda den su lucha te ku Donald McEachin a bin fayesé ayera na su kas na Virginia.
Donald McEachin a keda eligí na kuater okashon komo senador pa representá estado di Virginia i tabata hasi un tremendo trabou.
Den e kaso aki hasta Nancy Pelosi a bisa ku partido Republikano a pèrdè un di nan mihó senadornan ku malu mes tabata un luchadó i un persona korekto.
Nancy Pelosi a manda un mensahe di forsa pa Colette McEachin kasa di Donald McEachin i su tres yunan.