Djis un idea: Pa Javier bai ku fakansi den espasio

 

Javier Silvania no ta aktuando manera un hende kuerdo i ta kousando daño na e kredibilidat di nos pueblo i nos pais ku tin ratu ta pasando mal tempu ku Pandemia.

Òf e no ta skucha e litania di problema ku ta afektá nos pais. Lokual ku a pasa na Ulanda ora un periodista kier a entrevisté ora ela bai skonde despues dje reunion ayera na Ulanda, e kos aki no ta aseptabel!
Un minister ku ta di famá i saka mentira riba riba direktor di SVB pero ta ninga di bisa kuantu John De Lanooy ta gana komo konsehero sin tin e kredensial i kurikulo dje direktor di SVB, un hòmber asina no tin integridat.

Si ta plaka e ke spar pa pais, bai wak den CTB kaminda tambe tin hende ta kobra pa algun aña kaba den eksterior sin hasi algu! Nos ta kere ku lo ta bon idea pa unabes ku Javier Silvania a biaha pa Ulanda i nan di pa Malta tambe, e sigi ehempel di rikachonnan i kumpra un pasashi bordo di kohete pa bai pone su kabes parew den espasio sideral kaminda e aire ta mas puru.
Pero asina’ki NO POR MAS!

Si Pisas drumi, su genial minister personalmente lo kaba ku e partido ku a kosta Gerrit Schotte tantu sakrifisio asina pa lanta i tene na bida…..