Djasabra: Nieta di Biden a tene su seremonia di kasamentu na White House

WASHINGTON – Joe Biden a kumpli ku deseo di su nieta ku yama Naomi (28) yu muhé di Hunter Biden di laga nan kasa na White House.
Naomi Biden a kasa ku un abogado ku yama Peter Neal (25) ku ta un konosido abogado ku ta traha na Pennsylvania.
Algu di historia di e pareha aki ta ku un konosí di Peter Neal i introdusié Naomi Biden na un evento na New York na aña 2018.
Naomi Biden i Peter Neal a sigi ku nan amistat pa kuater aña i despues a disidí na hasi algu serio ku djasabra nan a kasa na White House.
Na seremonia di e konosido pareha aki tabatin un total di 250 invitado di gremio inklusivo na Merka.
Hunter Biden a duna su yu e nòmber Naomi debí ku su ruman muhé ku a fayesé den un aksidente di tráfiko na 1972 tambe tabata yama Naomi.
Tin indikashon ku Naomi i Peter Neal ta esnan ku ta entre e grupo di konseheronan ku ta guia presidente Joe Biden.